"Manchester Siti" yarim himoyachisi Bernardu Silva kelasi yili "Barselona"ga o‘tishi mumkin, deb yozadi jurnalist Alfredo Martines.
Manbaga ko‘ra, kataloniyaliklar hozirda shaharliklar so‘ragan 100 million yevroni to‘lay olmayapti. 2023 yil yozgi transfer oynasida "Barsa" yana 28 yoshli futbolchini o‘z safiga qo‘shib olishga urinib ko‘radi.
Bernardu o‘tgan mavsumda “Manchester Siti” safida 50 ta o‘yinda maydonga tushib, 13 ta gol urdi va 7 ta golli uzatmani amalga oshirdi. Yarim himoyachining klub bilan shartnomasi 2025 yilning 30 iyuniga qadar mo‘ljallangan.