"Chelsi" bosh murabbiyi Tomas Tuxel APLning 2-turida "Tottenxem"ga qarshi (2:2) durang o‘yinda Entoni Teylorning hakamlik ishi haqida gapirgani uchun jazolandi, deya xabar berdi Sky Sports.

Assosiasiya germaniyalik murabbiy “o‘yin hakamining xolisligiga shubha qildi”, deb hisoblamoqda.

Derbidan keyingi matbuot anjumanida Tuxel Teylor “shporlar”ning ikkala golini yanglishib hisoblagani va himoyachi Kristian Romeroni qasddan qo‘pollik qilgani uchun maydondan chetlatmaganini ta’kidladi. Tomas, shuningdek, Teylor boshqa hech qachon "ko‘klar" o‘yinida hakamlik qilmasligiga umid bildirdi.

Eslatib o‘tamiz, o‘tgan haftada FA Tuxelni "Tottenxem" bosh murabbiyi Antonio Konte bilan o‘zaro kelishmovchilik uchun bir o‘yinga diskvalifikasiya va 35 ming funt jarima bilan jazolagandi.