"Chelsi" endi "Lester" himoyachisi Uesli Fofanani sotib olishga urinmaydi, deb xabar bermoqda The Sun.
Manbaga ko‘ra, “ko‘klar” rahbariyati bir necha marta muvaffaqiyatsiz urinishlardan so‘ng muzokaralardan chiqishga qaror qilgan.
Eslatib o‘tamiz, "tulkilar" London klubining 21 yoshli fransiyalik futbolchini transfer qilish bo‘yicha takliflarini bir necha bor rad etishgan.
Uesli “Lester”da 2020 yilning oktyabr oyidan buyon o‘ynamoqda. Uning klub bilan amaldagi shartnomasi 2027 yilning yoziga qadar mo‘ljallangan.
Premyer-liganing boshlang‘ich mavsumida himoyachi ikkita o‘yinda ishtirok etdi va bitta sariq kartochka oldi.
