"Челси" энди "Лестер" ҳимоячиси Уэсли Фофанани сотиб олишга уринмайди, деб хабар бермоқда The Sun.
Манбага кўра, “кўклар” раҳбарияти бир неча марта муваффақиятсиз уринишлардан сўнг музокаралардан чиқишга қарор қилган.
Эслатиб ўтамиз, "тулкилар" Лондон клубининг 21 ёшли франциялик футболчини трансфер қилиш бўйича таклифларини бир неча бор рад этишган.
Уэсли “Лестер”да 2020 йилнинг октябрь ойидан буён ўйнамоқда. Унинг клуб билан амалдаги шартномаси 2027 йилнинг ёзига қадар мўлжалланган.
Премьер-лиганинг бошланғич мавсумида ҳимоячи иккита ўйинда иштирок этди ва битта сариқ карточка олди.
