"Chelsi" "Lester" himoyachisi Uesli Fofan uchun yangi taklif tayyorlamoqda.
Insayder Fabrisio Romanoning so‘zlariga ko‘ra, londonliklar taxminan 75 million funt to‘lashga tayyor. Hozirda bonus to‘lovlari tarkibi aniqlanmoqda.
Futbolchining o‘zi faqat "Chelsi"ga o‘tishni xohlaydi. "Lester" ushbu taklifni olgach, u yoki bu qarorni qabul qiladi.
Agar 21 yoshli fransiyalik futbolchi sotilsa, "tulkilar" Dortmundning "Borussiya" klubidan Manuel Akanjini sotib olmoqchi, deya xabar bermoqda The Telegraph. Nemis jamoasi uchun taxminan 20 million funt (23,7 million yevro) taklif qilinadi.
