Odatda futbolchilar o‘zlari bilan o‘ynaydigan jamoa yoki raqib klub futbolchilari haqida oldindan ma’lumot olishga intilishadi. Ammo ma’lum bo‘lishicha, Kazemiro faqat bu bilangina cheklanib qolmagan.

Braziliyalik jurnalist Markus Alves xabariga ko‘ra, "Real"ning sobiq yarim himoyachisi har bir o‘yin oldidan uchrashuvda ishlaydigan hakamlar haqida ma’lumotlar to‘playdi.

Kazemiro hakamning obro‘si, u bilan qanday muloqot qilish, tug‘ilgan joyi, boshqa ishi bormi yoki yo‘qligi va o‘yinni boshqarish uslubi kabi ma’lumotlarni o‘rganadi.

Kazemiro doim qo‘pol o‘yinchi sifatida tanilgan. Shunga qaramay, u "Real Madrid" bilan 336 ta o‘yinda to‘g‘ridan-to‘g‘ri qizil kartochka olmagan. Braziliyalik futbolchi 90 marta ogohlantirish oldi va faqat ikki marta ikkinchi sariq kartochka orqali maydondan chetlatilgan.