"Ayaks" klubining niderlandiyalik vingeri Antoni jurnalistlarga jamoadan ketish istagi haqida ochiq-oydin aytib berdi.
"O‘ylaymanki, "Ayaks" muxlislari meni to‘g‘ri tushinishadi. Futbolchining kelajagi noaniq narsa va sizga taqdim etilayotgan takliflar noyob bo‘ladi. Odamlar meni tinglashlari va motivasiyam meni baxt sari harakatlantirayotganini tushunishlari zarur. Bu menga faoliyatimni yuqori saviyada davom ettirishim uchun kerak.
Men "Ayaks" klubi va muxlislariga o‘z minnatdorchiligimni bildiraman. "Ayaks" doim yuragimda qoladi!
Bugun rahbariyat bilan yana uchrashdim, faqat bu safar stolda o‘zga klubdan kelgan shartnoma ham turgan edi, men yana ketish istagimni bildirdim, rahbariyat esa o‘rnimga futbolchi topishlari uchun 5 kungina qolganini vaj qilib ko‘rsatib rad etishdi. Men ketishni istayman! ", - dedi Antoni.
