"Ayaks" vingeri Antoni faoliyatini "Manchester Yunayted"da davom ettiradi.
Klublar 22 yoshli yarim himoyachining transferi borasida kelishib oldilar. Dushanba kuni braziliyalik futbolchi "Manchester Yunayted" bilan yana bir mavsumga uzaytirish imkoniyati bilan 2027 yilgacha shartnoma imzolaydi.
Shartnoma 100 million yevroga baholangan. Avvalroq bu summaga turli bonuslar kiritilgani xabar qilingandi.
Mavsum oralig‘ida "Ayaks" sobiq bosh murabbiyi Erik ten Xag va himoyachi Lisandro Martines ham "Manchester Yunayted"ga o‘tdi.
Antoni niderland klubi safida oxirgi marta 14 avgust kuni maydonga tushdi. Erediviziyaning joriy mavsumida 2 ta o‘yinda uning hisobida 1 ta gol va 2 ta golli uzatma bor.













