"Аякс" вингери Антони фаолиятини "Манчестер Юнайтед"да давом эттиради.
Клублар 22 ёшли ярим ҳимоячининг трансфери борасида келишиб олдилар. Душанба куни бразилиялик футболчи "Манчестер Юнайтед" билан яна бир мавсумга узайтириш имконияти билан 2027 йилгача шартнома имзолайди.
Шартнома 100 миллион еврога баҳоланган. Аввалроқ бу суммага турли бонуслар киритилгани хабар қилинганди.
Мавсум оралиғида "Аякс" собиқ бош мураббийи Эрик тен Хаг ва ҳимоячи Лисандро Мартинес ҳам "Манчестер Юнайтед"га ўтди.
Антони нидерланд клуби сафида охирги марта 14 август куни майдонга тушди. Эредивизиянинг жорий мавсумида 2 та ўйинда унинг ҳисобида 1 та гол ва 2 та голли узатма бор.