"Manchester Yunayted" yangi darvozabon izlamoqda.
Frankfurtning "Ayntraxt" klubi darvozaboni Kevin Trapp "Manchester Yunayted"ning taklifini rad etganidan so‘ng, klub Bundesliga klublaridan yana ikkita darvozabonni olish imkoniyatlarini ko‘rib chiqmoqda.
"Yunayted" Myonxengladbaxning "Borussiya" klubi darvozaboni Yan Zommerga qiziqish bildirmoqda va "Frayburg" a’zosi Mark Flekkenni ham kuzatib bormoqda, deb xabar beradi The Independent.
Zommer joriy mavsumda Bundesliganing 4 ta o‘yinida 4 ta gol o‘tkazib yubordi. Flekken 4 o‘yinda 3 ta gol o‘tkazib yuborgan.
