“Roma” yarim himoyachisi Amadu Diavara faoliyatini Belgiyada davom ettiradi, deya xabar bermoqda jurnalist Janluka Di Marsio.
Manbaga ko‘ra, 25 yoshli gvineyalik futbolchi tez orada "Anderlext" futbolchisiga aylanadi. Shuningdek, Belgiya klubi rimliklardan 20 yoshli Rikkardo Kalafyorini ijaraga olishi mumkin.
Diavaraning amaldagi shartnomasi 2024 yilgacha mo‘ljallangan. Transfermarkt portali futbolchining narxini 6 million yevroga baholamoqda.
Diavara o‘tgan mavsumda barcha musobaqalarda atigi 8 ta o‘yinda maydonga tushib, 1 ta golli uzatmani amalga oshirdi.













