"Arsenal" ustozi Mikel Arteta jamoa ruhi haqida gapirdi. U shunday deydi:
"Men uchun jahonning katta klublaridan birini boshqarish mas’uliyat talab etadi. Bu doimo barqaror bo‘lish degani. Siz jamoaga biror g‘oyani singdirmoqchi bo‘lsangiz, eng avvalo uni rahbariyat bilan o‘rtoqlashishingiz kerak. Hammasi yaxshi kechsa, keyin futbolchilar uni qabul qilishni boshlaydi.
G‘alabalarimizning eng asosiy omili bu bir-birimiz bilan hamjihatligimizdir. Biz nima qilayotganimizni yaxshi bilamiz. Bajarayotgan ishlarimiz va maqsadlarimizga ishonamiz. Umid qilamanki, bunga erishamiz".
