"PSJ" prezidenti Nosir Al-Xelayfi Yevropaning ba’zi klublarini noto‘g‘ri moliyaviy siyosatda jamoa nomidan aytmagan holda tanqid qildi.
"Ba’zi klublarning qarzlari 1,8 milliard yevroga yetadi. Ayrim prezidentlar qarzga botib, uni o‘z vorislariga “meros” qilib o‘tkazadilar. Shunday qilib, bu yildan-yilga davom etadi. Bu nafaqat ushbu klublarning kelajagiga, balki futbol rivojiga tahdid soladi. Biz o‘zimizni yanada ehtiyotkor va oqilona tutishimiz kerak. Klublarni bunday o‘ylamay rahbarlik qilishdan himoya qilish uchun maxsus qoidalar zarur", - deya Al-Xelayfidan iqtibos keltiradi RMC Sport.
Eslatib o‘tamiz, avvalroq Yevropa futbol assosiasiyalari ittifoqi (UYEFA) "PSJ"ni moliyaviy feyr-pley qoidalarini buzgani uchun 10 million yevro miqdorida jarimaga tortgan edi.
