"ПСЖ" президенти Носир Ал-Хелайфи Европанинг баъзи клубларини нотўғри молиявий сиёсатда жамоа номидан айтмаган ҳолда танқид қилди.
"Баъзи клубларнинг қарзлари 1,8 миллиард еврога етади. Айрим президентлар қарзга ботиб, уни ўз ворисларига “мерос” қилиб ўтказадилар. Шундай қилиб, бу йилдан-йилга давом этади. Бу нафақат ушбу клубларнинг келажагига, балки футбол ривожига таҳдид солади. Биз ўзимизни янада эҳтиёткор ва оқилона тутишимиз керак. Клубларни бундай ўйламай раҳбарлик қилишдан ҳимоя қилиш учун махсус қоидалар зарур", - дея Ал-Хелайфидан иқтибос келтиради RMC Sport.
Эслатиб ўтамиз, аввалроқ Европа футбол ассоциациялари иттифоқи (УЕФА) "ПСЖ"ни молиявий фейр-плей қоидаларини бузгани учун 10 миллион евро миқдорида жаримага тортган эди.
