Bugun, 10 sentyabr kuni Superliga 18-turidan o‘rin olgan «Lokomotiv» - «Dinamo» uchrashuvi bo‘lib o‘tadi. Uchrashuv prevyusi bilan tanishing.

«Dinamo» va «Lokomotiv» chempionat tarixida o‘zaro 27 marta to‘qnash kelgan. «Dinamo» 12 ta o‘yinda g‘olib bo‘lgan, 3 ta o‘yin durang hisobida yakunlangan. «Lokomotiv» «Dinamo»ni hozirga qadar 12 marta mag‘lub eta olgan. To‘plar nisbati «Loko» tomonida – 39:41. O‘zaro o‘yinlarda «Dinamo» 39, «Lokomotiv» ham 39 ochkoni qo‘lga kiritgan.

«Lokomotiv»ning o‘zaro o‘yinlarda qozongan eng yirik g‘alabasi – 5:1 ga teng. «Dinamo»da bu ko‘rsatkich yanada kattaroq – 5:0. 2009 yilgi bahsda Azamat Abduraimov boshchiligidagi «Dinamo» Ilhom Yunusov, Devid Oniya, Andrey Akopyans, Erkin Boydullayev, Bahodir Nasimovning Filimonov darvozasiga kiritgan gollari evaziga «Loko»ni 5:0 hisobida mag‘lub etgan.

«Dinamo» birinchi davrada Mixaylo Yovanovich, Sahob Rashidov va Faxriddin Alimovning goli evaziga «Lokomotiv»ni Samarqandda mag‘lub etgan - 3:1