Ispaniya La Ligasi “Betis” hujumchisi Borxa Iglesiasni avgust oyining eng yaxshi futbolchisi deb topdi.
Avgust oyida Borxa Iglesias “Betis”ning 6 ta golidan 4 tasini kiritib, jamoaga “Elche”, “Malyorka” va “Osasuna” ustidan g‘alaba qozonishga yordam berdi.
29 yoshli Borxa La Liga saytidagi ovoz berishda “Barselona” hujumchisi Robert Levandovski, “Selta” hujumchisi Yago Aspas, “Real” hujumchisi Vinisius Junior va “Vilyarreal” darvozaboni Jeronimo Rugliani ortda qoldirdi.
Ispaniya chempionatining 4-turidan keyin “Betis” 9 ochko bilan 4-o‘rinda bormoqda. 11 sentyabr kuni “Betis” “Vilyarreal”ni qabul qiladi.
