Испания Ла Лигаси “Бетис” ҳужумчиси Борха Иглесиасни август ойининг энг яхши футболчиси деб топди.

Август ойида Борха Иглесиас “Бетис”нинг 6 та голидан 4 тасини киритиб, жамоага “Эльче”, “Мальорка” ва “Осасуна” устидан ғалаба қозонишга ёрдам берди.

29 ёшли Борха Ла Лига сайтидаги овоз беришда “Барселона” ҳужумчиси Роберт Левандовски, “Сельта” ҳужумчиси Яго Аспас, “Реал” ҳужумчиси Винисиус Жуниор ва “Вильярреал” дарвозабони Жеронимо Руглиани ортда қолдирди.

Испания чемпионатининг 4-туридан кейин “Бетис” 9 очко билан 4-ўринда бормоқда. 11 сентябрь куни “Бетис” “Вильярреал”ни қабул қилади.