Shu vaqtgacha stadionda drenaj tizimi ishlayotgandek taassurot qoldirgan bo‘lsa-da, aslida u umuman ishlamagan. Suv shunchaki qumda qolib, maysani chiritib boravergan (mutaxassis fikri).   

«Bunyodkor» maysasi maydon atrofini o‘rab turgan tribunaning beton devoridan taxminan 2-2,5 metr chuqurlikda bo‘lgan. Bu esa maydon bo‘ylab havo aylanishini qiyinlashtirgan. Ayni vaqtda maydon sathi suratda ko‘rinib turgani kabi ko‘tarildi. Endi drenaj tizimi qayta ishlab chiqiladi va uning usti standart bo‘yicha qoplab boriladi. Natijada maydon sathi tribuna devori darajasi bilan deyarli tenglashadi. Stadionda futbol ko‘rish yanada yoqimliroq bo‘lib, futbolchilar muxlislarga juda yaqin joyda ko‘rinish beradi.

Bu bilan shamol aylanishi, maysa parvarishi masalasidagi muammolar yechilishi maqsad qilingan. Avvalgi xatolar cheklab o‘tiladi. Natija qanday bo‘lishini esa vaqt ko‘rsatadi. Ayni vaqtda O‘zbekneftgaz mart oyidagi xalqaro musobaqaga qadar barchasi a’lo darajada bo‘lishi uchun barcha harakatni amalga oshirayotganini ko‘rish mumkin.