“Lion” bosh murabbiyi Peter Bosh Fransiya chempionatining 7-turi doirasidagi “Monako”dan uchralgan mag‘lubiyat (1:2) haqida fikr bildirdi.
"Odatda, shunday o‘ynasang, hech bo‘lmaganda durangga erishasan, hech bo‘lmaganda... "Monako" yaxshi jamoa, ammo biz ulardan yaxshiroq o‘ynadik", - deya Boshning so‘zlarini keltiradi GFFN.
“Lion” safarda “Monako”ga 1:2 hisobida imkoniyatni boy berdi. Monegaskliklar safida gollarga Benua Badiashile va Gilermo Maripan mualliflik qilishdi. Mehmonlardan Karl Toko Ekambi javob qaytardi.
"Lion" 13 ochko bilan turnir jadvalida 5-o‘rinda bormoqda. Keyingi turda “sherlar” 18 sentyabr kuni “PSJ”ga qarshi bahs olib boradi.
