"Manchester Yunayted" va Angliya terma jamoasining sobiq himoyachisi Rio Ferdinand "Chelsi" xo‘jayinlari germaniyalik murabbiy Tomas Tuxelga xalaqit bergani haqida gapirdi.

Ferdinandning Daily Mail nashriga aytishicha, London jamoasi boshliqlari murabbiylar shtabi hal qiladigan ishlarga burun tiqishgan. Sobiq futbolchining ta’kidlashicha, "ko‘klar"ning yangi rahbariyati hattoki asosiy tarkibni tanlashga ham ta’sir o‘tkazishga harakat qilgan.

"Tuxel o‘zining fe’l-atvori va tamoyillari bilan bunday hatti-harakatni shunchaki qabul qilmadi, chunki bu, albatta, xo‘jayinlar aytganidek o‘zini tutadigan odam emas" - deya qo‘shimcha qildi Ferdinand.

Eslatib o‘tamiz, nemis mutaxassisi kutilmaganda chetlatildi. "Brayton" ustozi Grem Potter yaqinda rasman "Chelsi"ning yangi bosh murabbiyi etib tayinlandi.