“Lion” hujumchisi Aleksandr Lyakazett kelasi hafta boshida jarrohlik stoliga yotadi. L’Equipe nashrining yozishicha, fransiyalik futbolchi o‘zining bo‘g‘iq ovozidan xalos bo‘lmoqchi.
Eslatib o‘tamiz, Lyakazett "Arsenal"da 5 yil o‘ynagan. Hujumchi shu yozda jamoani tekinga tark etdi va "kanonirlar" safiga o‘tishdan oldin o‘ynagan "Lion"ga qaytdi.
Yangi mavsumda Lyakazett Fransiya chempionatida 7ta o‘yinda 4ta gol urdi. Fransiyalik futbolchi "Arsenal" tarkibida Angliya Premyer-ligasida o‘tgan mavsum davomida 4 ta gol urgandi.
Lyakazett kelasi hafta boshida jarrohlik amaliyotini o‘tkazadi va unga xalqaro tanaffus tiklanishiga imkon beradi.
