2022 yilgi Jahon chempionati emblemasi

Qatarda bo‘lib o‘tadigan 2022 yilgi jahon chempionati emblemasi qizil naqshli sakkiz raqamga o‘ralgan oq halqadir. Sakkiz raqami turnirda o‘yinlar o‘tkaziladigan stadionlar soniga ishoradir. Emblema shuningdek, cheksizlik belgisini ham anglatadi.

“Jahon chempionati logotipi ushbu turnirning mintaqadagi odamlar taqdiriga uzoq muddatli ta’sirini aks ettiradi. Bundan tashqari, emblemaning yuqori qismi g‘olib oladigan asosiy kubok shakliga o‘xshaydi”, — deya tushuntirdi JCH-2022 tashkiliy qo‘mitasi.

2022 yilgi jahon chempionatining rasmiy to‘pi

Jahon chempionatining rasmiy to‘pi “Al Rihla” deb nomlandi, bu arabcha "sayohat" degan ma’noni anglatadi.

Uning yaratuvchilari fikricha, Adidas tomonidan taqdim etilgan yangi to‘p hozirgi kungacha ishlab chiqarilgan toplar orasida eng tez va eng anig‘i hisoblanar ekan. Ushbu effektga erishish uchun to‘p CTR-Core texnologiyasidan foydalangan holda yaratilgan. Bu to‘p ichidagi kichik yadro bo‘lib, aniqlik va muvozanatni yaxshilashi kerak.

2022 yilgi rasmiy to‘pning umumiy sotuvining 1 foizi professional futbolchilar va murabbiylarni butun dunyo bo‘ylab futbol xayriyalarini qo‘llab-quvvatlash uchun o‘z maoshlarining bir foizini jamoaviy fondga o‘tkazishga undaydigan “Common Goal” harakatini qo‘llab-quvvatlashga yo‘naltiriladi.

2022 yilgi Jahon chempionatining ramzi

Qatarda bo‘lib o‘tadigan 2022 yilgi jahon chempionatining maskotiga Laib nomli uchar gilam bo‘ldi. Qizig‘i shundaki, arabchada bu "juda yaxshi o‘yinchi" degan ma’noni anglatadi. Shuningdek, u arab mamlakatlaridagi an’anaviy erkaklar bosh kiyimi kufiyaga o‘xshaydi.

Laibning dizaynini tayyorlagan insonlar uni "ta’riflab bo‘lmaydigan maskotlarning parallel olamidan" kelgan, deb nom berishgan. "Men o‘z orzulariga erishish yo‘lida o‘z niyatiga ega, mehnatsevar va intiluvchan har qanday odamni sevgi bilan qo‘llab-quvvatlayman", - deydi u FIFA veb-saytidagi videoda.

“Laib barchani o‘ziga ishonishga undaydi. U barchaga futbol quvonchini olib keladi”, - deyiladi FIFA rasmiy saytida.

2022 yilgi Jahon chempionati madhiyasi

Mart oyi oxirida Dohada bo‘lib o‘tgan turnirga qur’a tashlash marosimida Qatarda bo‘lib o‘tadigan JCH-2022 rasmiy madhiyasi taqdim etildi. Bu amerikalik qo‘shiqchi Trinidad Kardona, Afrobeat yulduzi Davido va qatarlik qo‘shiqchi Aisha tomonidan ijro etilgan Hayya Hayya (Birgalikda yaxshiroq) qo‘shig‘i edi.

“Amerika, Afrika va Yaqin Sharq ovozlarini birlashtirgan ushbu qo‘shiq futbol qanday qilib dunyoni birlashtirishi mumkinligini anglatadi. FIFAning yangilangan musiqiy strategiyasining bir qismi sifatida ko‘p qo‘shiqli saundtrek muxlislarni har qachongidan ham ko‘proq Jahon chempionati ruhiga yaqinlashtiradi”, — dedi FIFA bosh tijorat direktori Key Madati.