"Real" Ispaniya agentlar assosiasiyasi rahbari Pedro Bravoning braziliyalik hujumchi Vinisius Juniorni maymunga qiyoslagan shov-shuvli bayonotiga javob qaytardi.
“Klubimiz futbolda, sportda va umuman hayotda irqchilikning har qanday ko‘rinishini qabul qilmaydi. "Real" bu vaziyatda Vinisiusni yaxshi ko‘radi va qattiq qo‘llab-quvvatlaydi. Biz allaqachon advokatlarimizga futbolchilarimizga qarshi irqchilik so‘zlarini ishlatgan har qanday shaxsni sudga berishni buyurganmiz", - deyiladi Madrid klubi matbuot xizmati bayonotida.
Ispaniya chempionatining joriy mavsumida 22 yoshli braziliyalik beshta uchrashuvda maydonga tushib, to‘rtta gol urdi va bitta golli uzatmani amalga oshirdi.
