Jurnalistlar "Lester" ustozi Brenden Rojersdan "Tottenxem"ga qarshi yirik mag‘lubiyatidan keyin klubdagi holati haqida so‘rashdi. U shunday javob berdi:
"Ochig‘i, nima bo‘lishini bilmayman. Ammo har qanday qarorni qabul qilishga tayyorman. Rahbariyat qarori hurmat qilinadi. Dastlabki yettita o‘yin biz uchun shunchaki dahshatli edi. "Tottenxem", "Arsenal", "Chelsi" kabi jamoalarga qarshi mehmonda o‘ynashga majbur bo‘ldik. Bu esa oson emas. "MYU"ga esa uyda mag‘lub bo‘lgandik. Klub egalari o‘zlari to‘g‘ri deb bilgan ishni qilishadi. Xalqaro tanaffus biz uchun ayni muddao bo‘ldi".