“Inter” hali murabbiyni o‘zgartirishni rejalashtirmayapti, biroq rahbariyatning Simone Indzagiga bo‘lgan ishonchi yaqin orada puchga chiqishi mumkin.
"Neradzurrilar" rahbarlari Qatarda bo‘lib o‘tadigan Jahon chempionati bilan bog‘liq tanaffusgacha vaziyat ijobiy tomonga o‘zgarmasa, Indzagini iste’foga chiqarish haqida jiddiy o‘ylab ko‘radi, deb xabar bermoqda La Gazzetta dello Sport. Ayni damda "Inter" 46 yoshli murabbiyni muvaffaqiyatsiz startga qaramay, jamoa bilan muvaffaqiyatga erisha oladi deb hisoblamoqda.
“Inter” A Seriya peshqadami “Napoli”dan 5 ochko ortda qolmoqda. Chempionlar ligasida milanliklar guruh bosqichining ikki turidan so‘ng “Bavariya”ga yutqazib qo‘ygan bo‘lsa-da, “Viktoriya”ni mag‘lub etib, uch ochko jamg‘ardi.
