“Интер” ҳали мураббийни ўзгартиришни режалаштирмаяпти, бироқ раҳбариятнинг Симоне Индзагига бўлган ишончи яқин орада пучга чиқиши мумкин.
"Нерадзуррилар" раҳбарлари Қатарда бўлиб ўтадиган Жаҳон чемпионати билан боғлиқ танаффусгача вазият ижобий томонга ўзгармаса, Индзагини истеъфога чиқариш ҳақида жиддий ўйлаб кўради, деб хабар бермоқда La Gazzetta dello Sport. Айни дамда "Интер" 46 ёшли мураббийни муваффақиятсиз стартга қарамай, жамоа билан муваффақиятга эриша олади деб ҳисобламоқда.
“Интер” А Серия пешқадами “Наполи”дан 5 очко ортда қолмоқда. Чемпионлар лигасида миланликлар гуруҳ босқичининг икки туридан сўнг “Бавария”га ютқазиб қўйган бўлса-да, “Виктория”ни мағлуб этиб, уч очко жамғарди.
