"Bavariya" hali Yulian Nagelsmanni iste’foga chiqarmoqchi emas, balki uning ish uslubini o‘zgartirishini xohlaydi.

Sky Sports Deustchland xabariga ko‘ra, ayni damda Myunxen klubi rahbariyati 35 yoshli murabbiyni iste’foga chiqarish niyatida emas. Klub rahbarlari Bundesligada g‘alaba qozonmagan to‘rtta o‘yindan so‘ng "Bavariya"dan vaziyatni o‘zgartirishini kutishmoqda.

Bundan tashqari, “Bavariya” rahbariyati Nagelsmann jamoani boshqarish uslubiga o‘zgartirishlar kiritishini va hozirgidek inqirozli vaziyatlarda uni yaxshiroq boshqarishni o‘rganishini istamoqda.

Qayd etilishicha, murabbiy har doim ham tarkibga kiritilmaydigan futbolchilar bilan yaxshi muloqot qilishi kutilmoqda. Myunxenliklar klubi yarim himoyachi Rayan Gravenberxning intervyusiga e’tibor qaratdi, u jamoada bor-yo‘g‘i bir necha hafta o‘tkazgan bo‘lsa-da, o‘yin vaqtidan noroziligini omma oldida bildirdi. Leon Goreska ham yaqinda shunday shikoyat bilan chiqqandi.

Klub boshliqlari jamoa ichidagi murabbiydan noroziligini ham, OAVda mavjud vaziyatning qizg‘in muhokama qilinishini ham payqayapti. Nagelsmann kelajakda jurnalistlar bilan muloqot qilish uslubini o‘zgartirishi kutilmoqda.

Shunga qaramay, "Bavariya" rahbariyati murabbiyni qo‘llab-quvvatlamoqda.