"Lion" yarim himoyachisi Ussem Auar "Manchester Siti"ga o‘tishi mumkin, deb xabar beradi Manchester Evening News.
Manba bergan xabarga ko‘ra, ingliz klubi 24 yoshli fransiyalik futbolchini tekinga o‘z safiga qo‘shib olmoqchi. Uning "Lion" bilan shartnomasi 2023 yilning yozida yakuniga yetadi. Transfermarkt portali futbolchining narxini 20 million yevroga baholamoqda.
Auar - "Lion" tarbiyalanuvchisi. U asosiy jamoa safida 216 ta o‘yin o‘tkazib, 40 ta gol urgan va 35 ta golga assistentlik qilgan.
Joriy mavsumda yarim himoyachi "Lion" tarkibida atigi 1 ta o‘yin o‘tkazdi, futbolchi to‘pig‘idan olgan jarohati tufayli 4 ta o‘yinni o‘tkazib yubordi.
