"Лион" ярим ҳимоячиси Уссем Ауар "Манчестер Сити"га ўтиши мумкин, деб хабар беради Manchester Evening News.
Манба берган хабарга кўра, инглиз клуби 24 ёшли франциялик футболчини текинга ўз сафига қўшиб олмоқчи. Унинг "Лион" билан шартномаси 2023 йилнинг ёзида якунига етади. Transfermarkt портали футболчининг нархини 20 миллион еврога баҳоламоқда.
Ауар - "Лион" тарбияланувчиси. У асосий жамоа сафида 216 та ўйин ўтказиб, 40 та гол урган ва 35 та голга ассистентлик қилган.
Жорий мавсумда ярим ҳимоячи "Лион" таркибида атиги 1 та ўйин ўтказди, футболчи тўпиғидан олган жароҳати туфайли 4 та ўйинни ўтказиб юборди.