Dortmundning “Borussiya” klubi yarim himoyachisi Jud Bellingem kelasi yozda 83 million funt sterlingga transfer qilinishi mumkin.

Yaqinda matbuotda dortmundliklar Bellingemni ushbu mavsumdan keyin 150 million yevro (131 million funt) evaziga qo‘yib yuborishga tayyor ekani xabar qilingan edi.

Biroq, Dortmundning "Borussiya" klubi agar sotib olmoqchi bo‘lgan klub to‘liq summani oldindan to‘lasa, katta chegirma qilishga tayyor, deya xabar bermoqda The Sun nashri. Bunday holda, 19 yoshli angliyalik futbolchi 83 million funt sterlingga ketishi mumkin.

"Liverpul" uzoq vaqtdan beri Bellingemga qiziqish bildirmoqda, "qizillar" o‘zlarini Jud uchun kurashda "Chelsi" va "Manchester Yunayted" klubidan favorit sifatida ko‘rishmoqda.

Biroq, nashrning ta’kidlashicha, o‘tgan yozda himoyachi Manul Akanji va hujumchi Erling Xolandni dortmundliklardan xarid qilgan "Manchester Siti" Bellingemni qo‘lga kiritish uchun eng yuqori imkoniyatga ega.

"Manchester Siti" yarim himoyachisini yangilashi mumkin, chunki "Lids"dan sotib olingan Kalvin Fillips hali jarohatidan qaytgani yo‘q, Ilkay Gyundoganning shartnomasi yakuniga yetmoqda, Kevin De Bryuyne esa 30 yoshda. Qolaversa, Bernardu Silva kela yilning yozida "Barselona"ga o‘tishga harakat qilmoqda.