Germaniya futbol assosiasiyasi 2022-yilda Qatarda bo‘lib o‘tadigan jahon chempionati yakunida Germaniya terma jamoasi futbolchilari olishi mumkin bo‘lgan mukofot puli miqdorini e’lon qildi.

Har bir futbolchi guruhdagi g‘alaba uchun 50 000 yevro, chorak finalga chiqqani uchun 100 000 yevro va yarim finalga chiqqani uchun 150 000 yevro oladi.

3-o‘ringa 200 ming yevro, turnirda ikkinchi o‘ringa 250 ming yevro beriladi. Jahon chempionatidagi g‘alaba uchun har bir futbolchi 400 000 yevrodan oladi.

Qatardagi Jahon chempionati 20 noyabrdan 18 dekabrga qadar bo‘lib o‘tadi. Germaniya terma jamoasi guruh bosqichida Ispaniya, Yaponiya va Kosta-Rika bilan o‘ynaydi.