Braziliyaliklar har doim dunyoning eng yaxshi futbolchilaridan biri hisoblangan. Milliy terma jamoa besh marta jahon chempioni bo‘lgan va Qatardagi turnir boshlanishidan oldin favorit hisoblanadi. Braziliya vakillari orasida ko‘plab afsonalar mavjud: Pele, Ronaldo, Ronaldinyo, Romario, Garrincha, Ziko va Neymar. Bugun esa Braziliyani zamonamizning eng yorqin futbolchilari namoyish etadi.

Keling, top-5 Yevropa chempionatlaridagi eng qimmat braziliyaliklarni ko‘rib chiqaylik.

Markinyos ("PSJ"), 70 mln yevro

Parij klubi sardori Markinyos dunyodagi eng texnik jihatdan iqtidorli markaziy himoyachilardan biri va yarim himoyada ham o‘ynas oladi - Markinyos so‘nggi paytlarda "PSJ"ning asosiy o‘yinchilaridan biri bo‘lib kelmoqda.

Markinyos hech qanday jarohatlarga duchor bo‘lmasa, Braziliya bilan Qatarga boradi. 27 yoshli futbolchi uzun paslarni juda yaxshi amalga oshiradi va jamoasiga himoyalanishda yordam beradi.

Markinyosning bo‘yi 183 sm bo‘lsa-da, lekin u o‘zining sakrash qobiliyati bilan buning o‘rnini bosa oladi va standart vaziyatlarda raqiblarga haqiqiy xavf tug‘diradi.

Rodrigo ("Real Madrid"), 70 million yevro

"Real Madrid" o‘z kelajagini kafolatladi: klubning eng istiqbolli o‘yinchilari orasida braziliyalik Rodrigo Goes ham bor, u tezda o‘zini La Liganing eng yaxshi qanot hujumchilaridan biri sifatida ko‘rsatdi.

Rodrigo o‘tgan mavsumda madridliklarning asosiy tarkibi va zaxira o‘rtasidagi futbolchilaridan biri bo‘lib, 49ta o‘yinda 9ta gol va 10ta golga assistentlik qilgan. Asta-sekin u Karlo Anchelotti uchun asosiy tarkibdan joy olib kelmoqda.

Joriy mavsumda Rodrigo "Real"ning 7 ta o‘yinida qatnashib, 3 ta gol urdi va 2 ta golli uzatmani amalga oshirdi.

Neymar ("PSJ"), 75 mln yevro

Bugungi kunga kelib Neymar dunyoning eng kuchli futbolchilaridan biri hisoblanadi. "PSJ" hujumchisi mavsumni ajoyib boshladi va jahon chempionatida o‘zini ko‘rsatishi kutilmoqda.

So‘nggi o‘n yil ichida Neymar dunyoning eng taniqli futbolchilaridan biriga aylandi. Braziliyalik o‘zining ajoyib mahorati va har qanday vaziyatda yechim topa olish qobiliyati bilan muxlislar qalbini zabt etdi.

30 yoshli futbolchi mavsum boshidan buyon "PSJ" safida 11 ta o‘yinda maydonga tushib, 11 ta gol urdi va 8 ta golli uzatmani amalga oshirdi.

Antoni ("MYU"), 75 mln yevro

"Manchester Yunayted" shu yozda Antonini "Ayaks"dan 95 million yevro evaziga sotib oldi. Braziliyalik futbolchi so‘nggi ikki mavsumda Niderlandiya jamoasining asosiy hujumkor yulduzi bo‘ldi va "Yunayted" o‘yiniga ham sezilarli ta’sir ko‘rsatishi kutilmoqda.

Antoni endigina 22 yoshda va uni yorqin kelajak kutmoqda. O‘tgan mavsumda braziliyalik futbolchi "Ayaks"da 33ta o‘yinda 12ta gol urgan va 10ta golga assistentlik qilgan.

Vinisius ("Real Madrid"), 120 mln yevro

Madriddagi o‘tgan mavsum Vinisius uchun haqiqiy o‘sish mavsumi bo‘ldi. U chap qanotda raqiblar uchun juda katta xavf tug‘dirib, Karim Benzema bilan mukammal tandem yaratdi. O‘tgan mavsumda Vini "Madrid" safida 52 ta o‘yinda 22 ta gol urdi va 20 ta golli uzatmani amalga oshirib, jamoaning ikkinchi to‘purari bo‘ldi.

Braziliyalik futbolchi joriy mavsumni ham muvaffaqiyatli boshladi, u "Real" safida 9 ta o‘yinda 5 ta gol va 4 ta golli uzatmani amalga oshirdi.