"Manchester Yunayted" yanvar oyida hujumni kuchaytirmoqchi.
Klub o‘tgan qishda hujumchi bilan shartnoma imzolash imkoniyatiga ega bo‘ldi va bu jamoaning o‘sha paytdagi murabbiyi Ralf Rangnikning xohishi edi. Shunga qaramay, “MYU” bu masalani hal qilish uchun yozgacha kutishga qaror qildi.
Oxirgi transfer oynasida “Manchester Yunayted” markaziy hujumchi pozisiyasini mustahkamlay olmadi.
"Yunayted" yanvar oyida bozorni diqqat bilan kuzatib boradi. Klub qishda hujumni kuchaytirish uchun imkoniyat izlamoqchi.
Jurnalist Fabrisio Romano xabariga ko‘ra, klub "Napoli" hujumchisi Viktor Osimxenga qiziqish bildirmoqda. Biroq italiyaliklar 23 yoshli hujumchini qishda sotish niyatida emas va u uchun kamida 100 million yevro so‘rashadi.
"Manchester Yunayted" "Barselona"dan Memfis Depayni olib kelishni ko‘rib chiqishi mumkin. Hozirda futbolchi bor etiborini "Barselona" loyihasiga qaratgan. Uning klub bilan shartnomasi yozgacha amal qiladi, shuning uchun agar taklif tushsa, "Barsa" qishda u bilan xayrlashishi mumkin.
"Yunayted" yozda Depayni taklif qilish haqida o‘ylagan edi, ammo u o‘sha paytda klub uchun ustuvor vazifa emas edi. "Manchester Yunayted" uning transferi ustida ishlamayapti. Klub shunchaki tushunib turibdiki, uni qishda qo‘lga kiritish imkoniyati paydo bo‘ladi.
Bundan tashqari, yanvar oyida “Manchester Yunayted” hujumni PSV vingeri Kodi Gakpo bilan kuchaytirishi mumkin. Klub Gakpo agentlari bilan yaxshi munosabatda, chunki ular jamoa bosh murabbiyi Erik ten Xagning manfaatlarini himoya qiladi. Ammo "Manchester Yunayted" bu futbolchining transferi ustida ishlamayapti.
