"Манчестер Юнайтед" январь ойида ҳужумни кучайтирмоқчи.

Клуб ўтган қишда ҳужумчи билан шартнома имзолаш имкониятига эга бўлди ва бу жамоанинг ўша пайтдаги мураббийи Ральф Рангникнинг хоҳиши эди. Шунга қарамай, “МЮ” бу масалани ҳал қилиш учун ёзгача кутишга қарор қилди.

Охирги трансфер ойнасида “Манчестер Юнайтед” марказий ҳужумчи позициясини мустаҳкамлай олмади.

"Юнайтед" январь ойида бозорни диққат билан кузатиб боради. Клуб қишда ҳужумни кучайтириш учун имконият изламоқчи.

Журналист Фабрицио Романо хабарига кўра, клуб "Наполи" ҳужумчиси Виктор Осимхенга қизиқиш билдирмоқда. Бироқ италияликлар 23 ёшли ҳужумчини қишда сотиш ниятида эмас ва у учун камида 100 миллион евро сўрашади.

"Манчестер Юнайтед" "Барселона"дан Мемфис Депайни олиб келишни кўриб чиқиши мумкин. Ҳозирда футболчи бор этиборини "Барселона" лойиҳасига қаратган. Унинг клуб билан шартномаси ёзгача амал қилади, шунинг учун агар таклиф тушса, "Барса" қишда у билан хайрлашиши мумкин.

"Юнайтед" ёзда Депайни таклиф қилиш ҳақида ўйлаган эди, аммо у ўша пайтда клуб учун устувор вазифа эмас эди. "Манчестер Юнайтед" унинг трансфери устида ишламаяпти. Клуб шунчаки тушуниб турибдики, уни қишда қўлга киритиш имконияти пайдо бўлади.

Бундан ташқари, январь ойида “Манчестер Юнайтед” ҳужумни ПСВ вингери Коди Гакпо билан кучайтириши мумкин. Клуб Гакпо агентлари билан яхши муносабатда, чунки улар жамоа бош мураббийи Эрик тен Хагнинг манфаатларини ҳимоя қилади. Аммо "Манчестер Юнайтед" бу футболчининг трансфери устида ишламаяпти.