Madridning “Real” klubi himoyachisi Dani Karvaxal “Barselona” bosh murabbiyi Xavining avvalroq Ispaniya chempionatidagi g‘alaba Chempionlar ligasidagi muvaffaqiyatdan ko‘ra tabiiyroq natija ekanini aytgan so‘zlariga izoh berdi.

Ispaniyalik futbolchi Xavining fikriga qo‘shilmagan va bu masala “Real” Yevropaning asosiy klub turnirida g‘olib chiqqanidagina ko‘tarilishini ta’kidlagan.

"Har kimning o‘z fikri bor. Menimcha, sakkiz yil ichida besh marta Chempionlar ligasida g‘olib bo‘lganingizda, omad masalasi hatto muhokama qilinmaydi. Futbol - bu natijalar o‘yini. Ko‘p gol urgan va kamroq to‘p o‘tkazib yuborgan jamoa g‘olib hisoblanadi va bu borada biz eng kuchli edik", - dedi Karvaxal Marca nashriga.

Eslatib o‘tamiz, "Real" Chempionlar ligasining amaldagi g‘olibi hisoblanadi. La Liganing joriy mavsumini yetti turidan so‘ng “qaymoqranglilar” va kataloniyaliklar 19 ochko jamg‘arib, Ispaniya chempionati turnir jadvalida qo‘shhokimlikni o‘rnatishdi.