Мадриднинг “Реал” клуби ҳимоячиси Дани Карвахаль “Барселона” бош мураббийи Хавининг аввалроқ Испания чемпионатидаги ғалаба Чемпионлар лигасидаги муваффақиятдан кўра табиийроқ натижа эканини айтган сўзларига изоҳ берди.
Испаниялик футболчи Хавининг фикрига қўшилмаган ва бу масала “Реал” Европанинг асосий клуб турнирида ғолиб чиққанидагина кўтарилишини таъкидлаган.
"Ҳар кимнинг ўз фикри бор. Менимча, саккиз йил ичида беш марта Чемпионлар лигасида ғолиб бўлганингизда, омад масаласи ҳатто муҳокама қилинмайди. Футбол - бу натижалар ўйини. Кўп гол урган ва камроқ тўп ўтказиб юборган жамоа ғолиб ҳисобланади ва бу борада биз энг кучли эдик", - деди Карвахаль Marca нашрига.
Эслатиб ўтамиз, "Реал" Чемпионлар лигасининг амалдаги ғолиби ҳисобланади. Ла Лиганинг жорий мавсумини етти туридан сўнг “қаймоқранглилар” ва каталонияликлар 19 очко жамғариб, Испания чемпионати турнир жадвалида қўшҳокимликни ўрнатишди.
