"Milan" himoyachisi Teo Ernandes umumiy guruh bilan mashg‘ulotlarni boshladi va u 8 oktyabr, shanba kuni bo‘lib o‘tadigan "Yuventus"ga qarshi A Seriya 9-tur o‘yinida maydonga tushishi mumkin. Bu haqda Football Italia portali Sky Sports nashriga asoslanib xabar bermoqda.
24 yoshli fransuz terma jamoasi bosh murabbiyi Didye Desham tomonidan Millatlar ligasining so‘nggi bosqichiga chaqirildi, ammo so‘nggi bir necha haftani jarohat sabab o‘tkazib yuborishga majbur bo‘lgan. Ernandes Italiya A seriyasida “Empoli” (3:1) va Chempionlar ligasida “Chelsi”ga (0:3) qarshi o‘yinlarni o‘tkazib yubordi.
Himoyachi Milan klubida 2019 yildan buyon o‘ynab kelmoqda. Joriy mavsumda Ernandes barcha turnirlar doirasidagi 9 o‘yinda bitta gol urdi va ikkita golli uzatmani amalga oshirdi.
