"Barselona" "Real"ga qarshi bo‘lib o‘tadigan "El-Klasiko"da maxsus formada o‘ynaydi.
Kataloniyaliklar Spotify’ning yangi titul homiysi ispan gigantining futbolkasiga mashhur kanadalik qo‘shiqchi Dreyk tomonidan yaratilgan OVO musiqiy leyblining logotipini joylashtirishga qaror qildi. "Ko‘k-anorranglilar" ijtimoiy tarmoqlarida yozilishicha, bunday hamkorlik bilan "Barselona" musiqachini noyob yutug‘i bilan tabriklamoqchi. E’tiborlisi shundaki, Dreyk striming xizmatida 50 milliard oqimga erishgan birinchi qo‘shiqchi bo‘ldi.
Spotify joriy mavsum boshlanishidan oldin "Barselona"ning titul homiysiga aylandi. "Real Madrid"ga qarshi o‘yin 16 oktyabr, yakshanba kuni "Santyago Bernabeu"da bo‘lib o‘tadi. Uchrashuv Toshkent vaqti bilan 19:15 da boshlanadi.
