"Yuventus" va Fransiya terma jamoasi yarim himoyachisi Pol Pogba jamoaning umumiy guruhiga qaytishi mumkin.

L'Equipe xabariga ko‘ra, yarim himoyachi meniskus jarohatidan tiklanish jarayonini yakunlamoqda va kelasi haftadanoq umumiy guruhdagi mashg‘ulotlarni davom ettirishi mumkin. U hozircha individual dastur bilan shug‘ullanmoqda va og‘riqsiz yugurish mashqlarini bajarmoqda.

Qayd etilishicha, 29 yoshli futbolchi noyabr oyi boshida yoki oktyabr oyi oxirida maydonga qaytishi mumkin. Shu munosabat bilan u Fransiya terma jamoasining Qatarda bo‘lib o‘tadigan 2022 yilgi jahon chempionati uchun qaydnomasiga kirish imkoniyatini saqlab qoldi.

Pogba shu yozda “Yuventus”ga tekinga o‘tdi va klub bilan 4 yillik shartnoma imzoladi. U hali jamoa safida birorta ham rasmiy o‘yin o‘tkazmagan.

Fransiya terma jamoasi bosh murabbiyi Didye Desham Pogbaning JCH-2022 uchun terma jamoaga qo‘shilishi uchun o‘z formasini tiklashi kerakligini aytdi.