Belgiya klubi rasmiy sayti xabariga ko‘ra, "Antverpen" yarim himoyachisi Raja Nainggolan noma’lum muddatga futboldan chetlatilgan.

Klub bunday qarorga 34 yoshli belgiyalik futbolchi "Lyej" bilan o‘yin oldidan zaxira o‘rindig‘ida chekkanidan so‘ng keldi. Nainggolanning o‘zi xatosini tan oldi.

“Men shunchaki aytmoqchimanki, qilgan ishimdan afsusdaman. M butunlay yanglishdim”, — dedi Nainggolan.

Nainggolan “Antverpen” safida 2021 yilning yozidan buyon to‘p suradi. Joriy mavsumda yarim himoyachi klub safida 18 ta o‘yin o‘tkazib, 3 ta gol urdi va 2 ta golli uzatmani amalga oshirdi.