Бельгия клуби расмий сайти хабарига кўра, "Антверпен" ярим ҳимоячиси Ража Наингголан номаълум муддатга футболдан четлатилган.
Клуб бундай қарорга 34 ёшли бельгиялик футболчи "Льеж" билан ўйин олдидан захира ўриндиғида чекканидан сўнг келди. Наингголаннинг ўзи хатосини тан олди.
“Мен шунчаки айтмоқчиманки, қилган ишимдан афсусдаман. М бутунлай янглишдим”, — деди Наингголан.
Наингголан “Антверпен” сафида 2021 йилнинг ёзидан буён тўп суради. Жорий мавсумда ярим ҳимоячи клуб сафида 18 та ўйин ўтказиб, 3 та гол урди ва 2 та голли узатмани амалга оширди.
