"Barselona" hujumchisi Robert Levandovski "Manchester Siti" hujumchisi Erling Xoland bilan raqobat haqida gapirdi.
Eslatib o‘tamiz, Levandovski Gerd Myuller mukofotini qo‘lga kiritgandi. Mukofot o‘tgan mavsumda klub va terma jamoa uchun rasmiy o‘yinlarda eng ko‘p gol urgan hujumchiga beriladi. Taqdirlash marosimida polshalikdan Erling Xoland kelasi mavsumda sovrin uchun uni mag‘lub eta oladimi, deb so‘rashdi.
“Mavsum juda uzoq. Bu men uchun "Barselona"dagi yangi bob va birinchi kundanoq o‘zimni bu klubda juda yaxshi his qilyapman. Ko‘ryapmanki, bu men uchun katta sinov. Juda yaxshi, men jamoadoshlarimdan bizda shunday katta salohiyat borligini ko‘ryapman. Menda ko‘p gol urish imkoniyati bor va ishonchim komilki, buning ustida birga ishlaymiz. Bu futbol. Siz doimo tayyor bo‘lishingiz kerak. Men hali so‘nggi so‘zimni aytganim yo‘q", - deya Levandovskining so‘zlarini keltiradi GOAL.
Eslatib o‘tamiz, Levandovski va "Barselona" o‘rtasidagi shartnoma 2026 yilgacha mo‘ljallangan.
