"Барселона" ҳужумчиси Роберт Левандовски "Манчестер Сити" ҳужумчиси Эрлинг Холанд билан рақобат ҳақида гапирди.
Эслатиб ўтамиз, Левандовски Герд Мюллер мукофотини қўлга киритганди. Мукофот ўтган мавсумда клуб ва терма жамоа учун расмий ўйинларда энг кўп гол урган ҳужумчига берилади. Тақдирлаш маросимида польшаликдан Эрлинг Холанд келаси мавсумда соврин учун уни мағлуб эта оладими, деб сўрашди.
“Мавсум жуда узоқ. Бу мен учун "Барселона"даги янги боб ва биринчи кунданоқ ўзимни бу клубда жуда яхши ҳис қиляпман. Кўряпманки, бу мен учун катта синов. Жуда яхши, мен жамоадошларимдан бизда шундай катта салоҳият борлигини кўряпман. Менда кўп гол уриш имконияти бор ва ишончим комилки, бунинг устида бирга ишлаймиз. Бу футбол. Сиз доимо тайёр бўлишингиз керак. Мен ҳали сўнгги сўзимни айтганим йўқ", - дея Левандовскининг сўзларини келтиради GOAL.
Эслатиб ўтамиз, Левандовски ва "Барселона" ўртасидаги шартнома 2026 йилгача мўлжалланган.
