Madridning “Atletiko” klubi hujumchisi Joau Feliks qishki transfer oynasida faoliyatini Angliyada davom ettirishi mumkin. Taxminlarga ko‘ra, 22 yoshli portugaliyalik futbolchi "Manchester Yunayted"da hamyurti Krishtianu Ronalduni almashtiradi: Joau sotib olish imkoniyati bilan olti oyga ijaraga olinadi. Bu haqda The Sun nashri xabar bermoqda. Manbaga ko‘ra, har ikki futbolchining agenti Xorxe Mendesh hisoblanadi.

Eslatib o‘tamiz, "Tottenxem" bilan o‘yinda uchrashuvni zaxira o‘rindig‘ida o‘tkazgan 37 yoshli Krishtianu Ronaldu stadionni muddatidan avval tark etgan va o‘yin tugashidan oldin stadionni tark etgandi. Jazo sifatida portugaliyalik yoshlar terma jamoasi bilan mashg‘ulot o‘tkazdi va jarimaga tortildi. Shuningdek, u "Chelsi"ga qarshi o‘yin uchun qaydnomaga kiritilmagan.

22 yoshli Feliks joriy mavsumda barcha musobaqalarda 12 ta o‘yinda 3 ta golli uzatmani amalga oshirdi. Ronaldu shuncha uchrashuvda ikkita gol urdi va bitta golli uzatmani amalga oshirdi.