«Oltin to‘p» mukofotini topshirish qo‘lga kiritgan «Real»  hujumchisi Karim Benzema haqida ayrim faktlarni keltirib o‘tamiz.

«Lion»da bolboylik qilgan

Karim Mustafo Benzema Lion shahri chekkasida tug‘ilgan va bolaligida mahalliy «Bron Terrayon» klubida o‘ynagan. U yerda 9 yoshli Karimni «Lion» skautlari payqab qolishdi va darhol uni qo‘lga kiritmoqchi bo‘lishdi. Ammo «Bron» rahbariyati iqtidorni berishni istamadi. «Lion» vakillari Benzemaning otasini ko‘ndirganidan keyingina kelishuv yakunlandi. «Lion»ning o‘zida ham ilk kunlardanoq Karim imtiyozga ega bo‘ldi. Va u doimiy ravishda asosiy stadionda paydo bo‘lib, u yerda katta yoshli futbolchilarga to‘p uzatib turdi, ya’ni bolboylik qildi.

Jazoir termasida o‘ynashi mumkin edi

Benzemaning terma jamoasi ham boshqa bo‘lishi mumkin. U Fransiyada tug‘ilgan, ammo u ham xuddi Zinedin Zidan kabi jazoirlik ildizlarga ega. Jazoir terma jamoasi esa haqiqatdan ham ikkinchi yulduzni yo‘qotishni istamadi. Ular Karimni «Lion»da porlayotgan paytda terma jamoaga chaqirishga faol harakat qilishdi. Ammo Zidan kabi Benzema ham kuchliroq jamoani tanladi. Albatta, u fransuzlar uchun JCH-2018 g‘olibi bo‘lgan tarkibda yo‘q edi, lekin kamida bitta sovrin bor - Millatlar Ligasi.

«Real»da eng ko‘p o‘yin o‘tkazgan legioner

Ha, bu yerda Krishtianuni ham ko‘rish mumkin edi, lekin chindan ham «Real»da ispaniyalik bo‘lmagan futbolchilar orasida Karimdan ko‘proq o‘yinda maydonga tushgani yo‘q. Hatto afsonaviy Marseloda ham 545ta uchrashuv bor. Karimda esa 600dan ortiq. Bu raqam har hafta ortib bormoqda. Shunday ekan, bu rekord juda uzoq vaqt yangilanmasligi aniq.

Ginnesning rekordlar kitobiga kiritilgan

So‘nggi o‘n yillikda Messi va Ronalduni solishtirish odatiy hol edi. Ammo afsonaviy argentinalik bilan bir ko‘rsatkichda Krish emas, balki Benzema bahslashgan. 2021 yilda Benzema Chempionlar Ligasida ketma-ket eng ko‘p gol urgan mavsumlari bo‘yicha Ginnesning rekordlar kitobiga kirdi. U 17 mavsumdan beri Yevropaning eng kuchli turnirida gol urib kelyapti, xuddi Lionel Messi kabi.