"Inter"ning o‘ng qanot himoyachisi Denzel Dyumfris "Chelsi"ning transfer ro‘yxatida qolmoqda.

Londonliklar futbolchini yozda qo‘lga kiritishga harakat qilishgan va "ko‘klar"ning lateralga qiziqishi haqidagi mish-mishlar oktyabr oyida ham e’lon qilingan edi.

Italiyaning yangilangan manbalariga ko‘ra, "Chelsi" yanvar oyida yana Dyumfrisni sotib olishga urinib ko‘radi. Ingliz grandi tez orada 26 yoshli futbolchining hozirgi qiymati borasida savol bilan “neradzurri” rahbariyatiga murojaat qilishni rejalashtirmoqda.

Joriy mavsumda “Inter” safida 15 ta uchrashuvda maydonga tushgan Denzel 2 ta gol va 2 ta golli uzatmaga mualliflik qildi.