Krishtianu Ronalduning "Manchester Yunayted"ga qaytish shartlari ma’lum bo‘ldi.

37 yoshli portugaliyalik futbolchi APL doirasidagi "Tottenxem"ga (2:0) qarshi o‘yinning 90-daqiqasida kiyim almashtirish xonasiga kirib ketdi. Buning uchun Ronaldu bazasidagi mashg‘ulotlardan chetlashtirildi va jarimaga tortildi.

Hujumchining jamoaga qaytishi masalasi "Manchester Yunayted" bosh murabbiyi Erik ten Xag bilan suhbatdan so‘ng hal qilinadi.

Ten Xag o‘z pozisiyasini o‘zgartirish niyatida emas - u Krishtianuni asosiy tarkibda joyi kafolatlangan futbolchi emas, balki tarkibni kuchaytirish variantlaridan biri deb hisoblaydi. Murabbiy portugaliyalik futbolchining vaziyat haqida qanday fikrda ekanligini va u har bir turda birinchi daqiqalardanoq maydonga tushmayotganini qabul qilishga tayyormi yoki yo‘qligini eshitishni istaydi.

Agar Ronaldu bunday shartlarga rozi bo‘lsa va o‘z xatti-harakati uchun uzr so‘rasa, u asosiy jamoa bilan mashg‘ulotlarga qaytadi, deb xabar beradi The Athletic nashri.