Криштиану Роналдунинг "Манчестер Юнайтед"га қайтиш шартлари маълум бўлди.

37 ёшли португалиялик футболчи АПЛ доирасидаги "Тоттенхэм"га (2:0) қарши ўйиннинг 90-дақиқасида кийим алмаштириш хонасига кириб кетди. Бунинг учун Роналду базасидаги машғулотлардан четлаштирилди ва жаримага тортилди.

Ҳужумчининг жамоага қайтиши масаласи "Манчестер Юнайтед" бош мураббийи Эрик тен Хаг билан суҳбатдан сўнг ҳал қилинади.

Тен Хаг ўз позициясини ўзгартириш ниятида эмас - у Криштиануни асосий таркибда жойи кафолатланган футболчи эмас, балки таркибни кучайтириш вариантларидан бири деб ҳисоблайди. Мураббий португалиялик футболчининг вазият ҳақида қандай фикрда эканлигини ва у ҳар бир турда биринчи дақиқаларданоқ майдонга тушмаётганини қабул қилишга тайёрми ёки йўқлигини эшитишни истайди.

Агар Роналду бундай шартларга рози бўлса ва ўз хатти-ҳаракати учун узр сўраса, у асосий жамоа билан машғулотларга қайтади, деб хабар беради The Athletic нашри.