Agar oxirgi turda biror olamshumul voqea bo‘lmasa, guruh bosqichining eng omadsiz jamoasi “Atletiko” degan bo‘lardim. Jamoaning o‘rtacharoq raqiblar ichida 3-o‘rinda (balkim to‘rtinchi) qolib ketishini g‘ayritabiiy omadsizlik bilan bog‘lash mumkin.
Amalga oshirilmagan ikki penalti, agar XG bo‘yicha qarasak, “Atletiko” 5 o‘yinda 9.7 Xg yaratdi – odatda buncha vaziyatdan jamoalar kamida 10-12 ta gol urishadi. Masalan, “Liverpul” jami 10.01 Xg yaratgan va 15 ta gol urgan. Madridliklarning gollari soni – 4 ta. Umuman, guruh masalasini hal qilib bo‘lgan PSJ, “Chelsi”, “Real”, “Bryugge”, “Benfika”, “Portu” kabi jamoalar bu ko‘rsatkich bo‘yicha “Atletiko”dan ortda.
Va tabiiyki, Antuan Grizmann bilan bog‘liq masxarabozlikning ham ta’siri bor. Esingizda bo‘lsa, mavsum boshida fransiyalik hujumchi to‘liq o‘ynatilmadi, sababi, futbolchining “Atletiko” libosida maydondagi daqiqalari qandaydir limitdan oshsa, “Barselona”ga 40 million yevro pul to‘lashi lozim bo‘lardi. Moliyaviy manfaat bilan futbolning aralashuvi yaxshilikka olib kelmaydi – Grizmann oxirgi uch o‘yinda “Atletiko”ning eng yaxshi futbolchisi bo‘lmoqda. Dastlabki o‘yinlarda esa, u doim zaxiradan maydonga tushaverganidan yuqori sport formasiga kira olmagandi. Poyezd esa, qarab turmaydi.
| № | Jamoa | O‘yin | G‘alaba | Durang | Mag‘-t | T-N | Ochko | |
|---|---|---|---|---|---|---|---|---|
| 1 |  |
Bryugge | 5 | 3 | 1 | 1 | 7-4 | 10 |
| 2 |  |
Portu | 5 | 3 | 0 | 2 | 10-6 | 9 |
| 3 |  |
Atletiko | 5 | 1 | 2 | 2 | 4-7 | 5 |
| 4 |  |
Bayer | 5 | 1 | 1 | 3 | 4-8 | 4 |
Qahramon Aslanov.
