Milanning “Inter”i va Londonning “Chelsi” klublari hujumchi Romelu Lukakuning Italiya jamoasi tarkibida ijara muddatini uzaytirish bo‘yicha kelishuvni yakunlashga yaqin turibdi, deb yozadi insayder Fabrisio Romano o‘zining Twitter sahifasida.
Manbaga ko‘ra, "Inter" belgiyalik hujumchining ijara muddatini yana bir mavsumga uzaytirish uchun "Chelsi"ga transfer byudjetidan 7,8 million yevro o‘tkazgan.
Lukaku joriy ijara muddati tugaganidan keyin yozda ingliz klubiga qaytishi kerak edi. Biroq har ikki klub rahbariyati hamda futbolchining o‘zi Lukakuning italyan jamoasida o‘ynashda davom etishidan manfaatdor. Tomonlar o‘rtasidagi muzokaralar yakuniy bosqichga kirmoqda, biroq hozircha hech narsa rasman e’lon qilinmagan.
Lukaku yozgi transfer oynasida "Chelsi"dan ijara asosida milanliklar safiga qaytdi. Bir yil avval "Inter" hujumchini londonliklarga 113 million yevroga sotgandi. "Inter"ga qaytganidan beri belgiyalik futbolchi jarohat tufayli bor-yo‘g‘i 4ta o‘yinda maydonga tushib, 2ta gol urgan.
